LEGAZPI CITY – Dakop an sarong 42 anyos na lalaki sa drug buy-bust operation sa Purok Kalamansi, Brgy. Nagas, banwaan kan Tiwi, Albay.
Binisto kan mga otoridad an akusado na si Arvin Clavecillas y Amansic na residente ng Purok 1, Brgy. Gajo kan nasambitan na banwaan.
Basado sa report, nagkondusir kan nasambitan na operasyon an hepatura nin pulisya kan Tiwi sa pakikipagtabangan sa PDEA Bicol na nagresulta sa pagkakaarestar sa akusado.
Sa nasambit na operasyon, nakumpiskar sa saiya an sarong pidaso ki selyadong pakete nin pinagtutubudang “shabu” na may gabat na 0.9 grams na may kantidad na pigkakalkulong nasa labi sais mil de pesos.
Apwera ka ini, nakua pa saiya kantidad kinyentos de pesos na buy-bust money, kaibahan an nagkapira pang non-drug items.
Tulos na dinara an akusado kaibahan an mga nakumpiskar na mga item sa nasambitan na hepatura para sa magkakanigong disposisyon.
