Kasiyahan ang naging hatid ng isa sa mga highlights na aktibidad sa pagdiriwang ng Dinamulag Festival ngayong taon ng lalawigan ng Zambales.
Kabilang dito ang Mango Eating Contest at Mango Picking na ginanap sa Caliguit, Brgy. Dirita-Baloguen nakalipas na Martes.
Naghatid ng kasiyahan sa mga partisipante at nanood ang isinagawang aktibidad.
Sa ngayon ay tuloy-tuloy ang iba pang malalaking activity ng Dinamulag Festival at inaasahan pang mas dadagsa ang mga manonood dahil na rin sa long weekend.
Ayon sa Provincial Tourism Office, tatlong taon ang nakalipas bago muling nakapagdiwang ang lalawigan dahil na rin sa mga restriksyong dulot noon pandemya.//Jen Bayot-BNFM OLONGAPO
