Padayon ang plano nga ginabuhat sang African Swine Fever Task Force sang LGU Jamindan para maprotektahan nga indi makalusot ang sakit nga nagatuhaw sa hinuptan nga baboy.
Nagpatigayon si Mayor Mac Arthur Valdemar sang meeting kaupod ang mga miyembro sang ASF Task Force Jamindan.
Gintalakay sa nasambit nga sinapol ang implementasyon sang gindihon nga executive order kag paghatag sang awtoridad sa Bantay ASF sa Barangay pinaagi sa ‘BABay ASF’ Program.
Nagpasalamat man ang alkalde sa amo nga hubon sa wala untat nga pagbantay sa mga border checkpoint agud maprotektahan ang hog industry nga pangabuhian sang pila ka pumuluyo.
Mahibaluan, nga Zero ASF case ang banwa sang Jamindan apisar madamo na sang nabalhag nga kaso sa probinsya. | KMD Gicalde
