Nakadawat ug cash incentives ang duha ka centenarians sa dakbayan sa Ozamiz.
Diin, base kini sa Republic Act # 10868 or the Centenarian’s Act of 2016, nga gipirmahan kaniadtong Hunyo 23, 2016, kini naghatag ug katungod sa mga Filipino nga nagpuyo sulod o gawas sa nasud, na makadawat ug centenarian gift nga 100 thousand pesos.
Nagsaulog si Mrs. Pompia Ochagabia Balcita, n sa iyang ika 100th birthday kaniadtong Abril 10, 2023, ug nagpuyo sa Brgy. Maningcol, Ozamis City, ug si Mrs. Tiburcia Gaid Parojinog, nga nagsaulog usab sa iyang adlaw nga natawhan kaniadtong Abril 14 niining tuiga nga taga Brgy Molicay, Ozamis city.
Nakadawat kini og kinatibuk-ang kantidad nga 300 thousand pesos ang matag usa kanila, diin 100thousand nga nagagikan sa national government, pinaagi sa DSWD, ug laing tig 100 thousand nga nagagikan sa local government sa Ozamis ug provincial government sa Misamis Occidental.
Samtang nagpadala si Presidente Ferdinand R. Marcos. Jr. ug usa ka sulat pinirmahan sa matag centenarian, diin gipahalipayan sila sa ilang nahimo ug dugang sa panghinaut nga lugwayan pa sila ug dugang katuigan ug himsog nga panglawas.//BNFM OROQUIETA
