Arestado ang ginakabig isa ka high value individual nga lalaki matapos ginkasahan sang drug buy bust operation sang kapulisan sa Barangay Banica, Roxas City.
Ginkilala ang nadakpan kay Ismael Antonino,46-anyos, kag residente sa nasambit nga lugar.
Narekober sa posisyon sang suspek ang 13 tanan ka sachets sang ginapatihan shabu nga nagabug-at sang 55 gramos kag may market value nga P 374,000.
Kalakip man sa narekober ang cellphone, sling bag kag mga drug paraphernalia.
Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 si Antonino.
Sa karon, nagapabilin ang suspek sa kostudiya sang Roxas City PNP para sa nagakaigo nga disposisyon. | KMD Gicalde
