Dakop ang 33-anyos nga lalaki matapos naaktohan nga nagapataya sang iligal nga pasugal sa Brgy. Aglalana, Dumarao, Capiz.
Ginkilala ang nadakpan kay Juniel Pacardo, kolektor sang isa ka corporation kag residente sang Brgy. Aglalana, Passi City, Iloilo.
Narekober sa posisyon ni Pacardo ang isa ka cotejo, P120 sa nagkalain-lain nga denominasyon, isa ka ballpen kag isa ka ID.
Magapangatubang sang kaso nga pagbayolar sa PD 1602 nga gin-amendaran sang RA 9287 ukon An act increasing the penalties for illegal numbers games si Pacardo.
Sa karon, nagapabilin ini sa kustodiya sang Dumarao PNP para sa nagakaigo nga disposisyon. | Judy Ann Juare
