GIPUNTING sa City Veterinary Office nga mabakunahan ang gatusan nga mga iro sa Barangay Conel GenSan dungan sa massive vaccination batok anti-rabies aron masiguro nga dili delikado ang tawo kung mapaakan.
Matud ni Kag. Tessie Agbayani, Chairperson sa Committee on health sa Conel nagsugod niadtong Abril 14 ug matapos hangtod sa Abril 29 ang pagbakuna sa mga iro sa ilang lugar ug sa karon wala pa kini nakuha nga datus sa kinatibuk-ang ihap sa bakunadong iro.
Nagbalay-balay ang taga CVO sa pagbakuna batok anti-rabies aron masiguru nga walay iro nga mahimong delikado niini.
Giawhag sa opisyal ang mga residente nga dili magduha-duha sa pagpabakuna sa ilang mga alagang hayop aron masiguru ang kaluwasan ang pamilya ilabi na ang mga bata ug edaran. I Enamie Mogpon
