Muabot sa 400,000 ka mga pasahero ang nidagsa sa mga pantalan sa Sugbo atol sa Semana Santa.
Base sa datos sa Cebu Port Authority moabot sa 443,667 ang kinatibuk-ang gidaghanon sa mga pasahero nga nibiyahe sa pantalan sa Sugbo sukad sa Abril 2 hangtod sa Abril 9, 2023.
Matud sa CPA mas daghan kini kung itandi sa 300,000 ka mga pasahero nga nangabot sa mga pantalan sa Sugbo sa samang higayon niadtong miaging tuig. Apan bisan pa sa kadaghang mga pasahero, gipahibawo ni Mary Knoll-Bolasa, information officer sa CPA, nga walay natala nga insidente atol sa pagbiyahe.//
