Niabot sa kapin P900 milyon ang nakolekta sa City Hall sa real property tax (RPT) sa unang quarter sa 2023 sa dakbayan sa Sugbo.
Apan matud ni Cebu City Treasurer Mare Vae Reyes nga aduna pay gamay nga mga tag-iya og real property nga wala pa makabayad sa ilang tax.
Gitakda sa City Hall ang deadline sa pagbayad sa RPT sa unang quarter niadtong Marso 31, 2023.
Target sa buhatan nga makakolekta og kapin sa P1.2 bilyunes sa RPT sa tibuok tuig.
Nasayran nga ang koleksyon sa RPT gikan sa mga kabtangan sama sa condominium, telco towers, automated teller machines ug uban pa.//
