Nadakpan sa gintingub nga pwersa sang mga otoridad ang 2 ka indibidwal kalakip dire ang isa ka peanut vendor matapos nagapataya sang iligal nga STL Bookies sa Barangay Tacas, Pontevedra, Capiz
Ginkilala ang mga arestado nga sanday Amancio Flores alyas ‘Alog’, 48-anyos, peanut vendor, residente sang Barangay Ilaya kag Salvador Brillo alyas ‘Langaw’, 43-anyos, residente sang Barangay Tabuc sa nasambit nga banwa.
Narekober sa paghinakop sang nagkaladakpan ang 2 ka bugkos sang cotejo, assorted ballpen kag P857 nga kwarta sa naglain-lain nga denominasyon.
Magapangatubang sila Flores kag Brillo sang panumbungon nga paglapas sa Presidential Decree 1602 sang Republic Act 9287 ukon ‘Philippine Gambling Laws’.
Sa karon, nagapabilin sa kostudiya sang kapulisan ang mga suspek para sa nagakaigo nga disposisyon.//KMD Gicalde
