Anaa sa 17 sa 1,658 ka persons deprived of liberty (PDL) sa Male ug Female dormitory sa Bureau of Jail Management and Penology (BJMP) sa Mandaue City ang positibo sa Human immunodeficiency virus (HIV).
Matud ni Jonathan Baltar, jail superintendent sa BJMP-Mandaue, nga sa test nga gihimo niadtong Marso, sa 17 ka PDL nga adunay HIV, 15 niini ang mga lalaki ug duha ang babaye.
Nasayran usab nga ang 13 ka HIV positive anaa nahimutang sa karaang jail facility sa BJMP-Mandaue u gang 4 niini anaa sa jail facility sa Barangay Basak.
Gidugang sa opisyal nga ang 17 ka PDL nagpangidaron ug 27-anyos hangtud sa 51-anyos.
Apan matod ni Baltar nga aduna silay mga programa alang sa HIV awareness sa Mandaue. Diin lakip sa nahisgutang programa ang information, education, and communication (IEC) drives ug awareness training.//
