LEGAZPI CITY – Pinagpaplanuhan na ng Public Employment Service Office (PESO) Lgeazpi City na magkakaroon ng dalawang job fair activities sa lunsod.
Ayon kay PESO Legazpi Manager, Diosdado Rañeses, susuportahan ni Mayor Geraldine Rosal ang planong magsagawa ng natuang aktibidad sa mga susunod na buwan.
Isa sa mga siguradong job fair ay gaganapin sa buwan ng Agosto, kung saan isasama nila ito sa Ibalong Festival na taun-taong isinasagawa sa lunsod.
Aniya, nitong pandemya, hindi nagkaroon ng face-to-face na job fair, dahil sa mga restrictions na ipinatutupad, ngunit nagkaroon din umano ng online.
Ang ikalawang job fair activity ay posibleng isagawa sa buwan ng Hunyo upang mapaghandaan ang mga bagong graduates sa kolehiyo.
Sinabi ng opisyal, inaasahan nito na sa gagawing aktibidad, maraming makakatanggap na trabaho, kung saan tataas din ang employment rate.
