Totally burned ang balay sang isa ka senior citizen sa Barangay San Agustin, Dumalag, Capiz.
Ginkilala ang tag-iya sang balay kay Albert Frias, 60-anyos kag residente sang nasambit nga barangay.
Sandig sa imbestigasyon sang Dumalag Fire Station, natabo ang sunog alas-10:30 kagab-i sang Domingo kag wala gid sang may nasalbar nga kagamitan ang tigulang apang masuwerte nga wala sang may napilasan.
Ginabulubanta nagdangat sa P20,000 ang inisyal nga kahalitan sang sunog.
Sa karon, padayon pa ang imbestigasyon sang bumbero sa amu nga insidente. | Judy Ann Juare
