Mas mapapadali na ang pagrereklamo sa serbisyo ng Land Transportation Office sa pamamagitan ng bago nilang programa.
Ito ay matapos na ilunsad kahapon ng ahensiya ang “Isumbong Mo Kay Chief” na magbibigay-daan sa publiko na maghain ng reklamo sa kanilang mga serbisyo online.
Kailangan lamang mag-scan ng QR Code ang mga users para ma-access ang mga online forms para sa kanilang mga reklamo at rekomendasyon.
Ang mga reklamo ay dadaan sa isang LTO operation center, na siyang aatasan na magproseso at magbigay ng feedback sa mga aksyon ng ahensya.
Aminado si LTO Chief Assistant Secretary Jay Art Tugade na malaki ang pagkukulang ng ahensiya at kailangang paigtingin pa ang kanilang customer service.
Napag-alaman na humigit-kumulang 1,000 reklamo ang natatanggap ng LTO araw-araw//CA
