NABUGTUAN og kinabuhi ang usa ka babayeng online reporter nga taga Cebu human aksidenteng nadasmagan sa kolor pula nga Isuzu Dropside truck mga alas 3:10 sa hapon, niadtong Domingo Marso 12, sa Crossing Siapo, Brgy. Tampi, San Jose, Negros Oriental.
Giila ang biktima nga si Pegeen Maisie Manlangit Sararaña, taga barangay Tuyom, dakbayan sa Carcar, Cebu, ug uyab niini nga si Niel Ian Mascardo Balcobero, taga Purok 4. , Boloc-boloc, Negros Oriental.
Ang reporter ug ang iyang uyab sakay sa Honda Beat 110 cc nangandam sa pagtabok sa karsada.
Sa inisyal nga imbestigasyon nasayran nga paingon sa South ang trak diin mi-overtake kini sa laing trak, human aksidenteng nabanggaan sa trak ang motorsiklo nga gisakyan sa mga biktima.
Nakaangkon og grabeng samad sa ulo ug lawas ang mga biktima human sa impact ug daling gidala sa Negros Oriental Polymedic hospital apan namatay mga alas 9:00 sa gabii niadtong Marso 13
Samtang, detinado na sa Amlan Police Station ang drayber sa trak nga si Nielric Tano Gaso, 27 anyos.///
