Bukas umano ang Philippine Coast Guard (PCG) sakali mang mag-alok ang China ng tulong para ma-contain ang paglawak ng tuamgas na langis sa Oriental Mindoro.
Sa isang forum, sinabi ni PCG chief Adm. Artemio Abu na ‘sino ba naman daw sila para tumanggi’ sakali mang mag-assist ang Chinese Coast Guard.
Kagunay nito, kinumpirma rin ni Abu na nagpasaklolo na rin sila sa Estados Unidos.
Bago ito, una nang nag-pledge ng tulong ang Japan at ang South Korea.
Mga apektado ng oil spill sa Oriental Mindoro, pumalo pa sa 19,000 pamilya
Lomobo pa sa 19,000 ang bilang ng mga pamilya na apektado ng oil spill mula sa lumubog na MT Princess Empress sa Oriental Mindoro.
Ayon kay Department of Social Welfare and Development (DSWD) Secretary Rex Gatchalian, na nagsimula na ang kanilang ahensya sa pamamahagi ng food packs para sa mga apektadong pamilya.
Dagdag ni Gatchalian, magpapatuloy ang pamamahagi ng food packs ay isu-sustain hanggang sa makapalaot na ang mga mangigisda at magbalik sa kanilang kabuhayan.
Kaugnay nito, bibigyan din ang mga apektadong pamilya ng trabaho sa pamamagitan ng cash-for-work program, kung saan babayaran sila ng minimum wage sa loob ng 15-araw.
#
