Bumuo ng task force ang Malacañang para tuigunan ang pattern of impunity sa Negros Oriental.
Bukod sa Department of Justice , kasama sa binuong task force ang Department of the Interior and Local Government , Office of the Executive Secretary, Philippine National Police at Armed Forces of the Philippines .
Ayon kay Justice Sec. Crispin Remulla, si DILG Secretary Benjamin Abalos Jr. ang magiging in-charge ng task force.
Sinabi ni Remulla na nakikita ng mga imbestigador ang pattern ng impunity sa Negros Oriental kasunod ng pagpatay kay Gov. Noel Degamo.
Bagama’t hindi idinetalye si Remulla, sinabi niya na malapit nang mag-imbita ang National Bureau of Investigation ng mga indibidwal na magbibigay liwanag sa mga nangyaring pagpatay upang matukoy ang mastermind.//CA
