Ginlunsar an duha nga Sustainable Livelihood Program Associations ha ilarom han Zero Hunger Program ha Baybay City, Leyte.
Ini nga SLPAs in nakapukos ha urban vegetable production ha bisinidad han Punta Elementary School ngan rice retailing ha Villa Soledad.
Sumala kan Cooperative Development Specialist Jesus Clyde Jolis, ginhingadayan ha mao nga aktibidad an importansiya han pagbaralyuay han mga nahibaruan han mga miyembro durante han pag-implementar han livelihood projects.
Presente durante han aktibidad an mga partner-stakeholders tikang ha Baybay City sugad han representante han Livelihood Focal Jheff Modina, Punta Elementary School Head Maria Nena Veronica Esquibel, Leyte 2 Provincial Monitoring and Evaluation Focals Ma. Sophia Ibanita ngan Rex Benedict Calo ngan ZH PDO para ha Baybay City Nyke Plimaco.
Hingyap han mao nga inisyatibo nga maundang an kagutuman ngan masegurado nga sakto an mga masustansiya nga pagkaon han mga mulopyo ha 2030.
