Nagsimula ng maglagay ng mga rumble strips ang Department of Public Works and Highways Zambales 2nd Engineering District sa ilang accident prone area sa national highway ng Barangay Kalaklan sa Olongapo.
Ito ay para magbigay babala sa mga motoristang dumadaan sa kalsada araw-araw.
Ayon kay Project Engr. Sammy Bilog, tatlong accident prone area na ang kanilang nilagyan at ito ay ang Abra Street sa Barangay Barretto, Zamba Area sa Barangay Kalaklan at ang Celtech Area sa Barangay Kalaklan.
Samantala, sa mga susunod na linggo ay maaari na rin simulan ang road slip o pagsasaayos sa mga nasirang kalsada ng Kalaklan.//Jeff Valdez-BNFM OLONGAPO
