Prayoridad sa ngayon ng Department of Agrarian Reform (DAR) Sorsogon ang pagbibigay ng pagsasanay sa lahat ng mga Agrarian Reform Beneficiaries o ARB’s sa ilalim ng kanilang Support Services Delivery (SSD) program.
Sa panayam ng Brigada News kay DAR Sorsogon Provincial Agrarian Reform Officer 1 Liza Repotente, sinabi nito na kailangan nila itong bigyan ng pokos dahil sa malaking bilang ng mga benepisyaryo. Naniniwala kasi sila sa pagpapaunlad ng kapasidad ng mga ito ay ganap na nagagawa ay magkakaroon ng magandang resulta.
Binanggit din ng opisyal na sa nakalipas na taon ay nakapagsanay sila ng 5,814 na mga ARBs katumbas ng 156% accomplishment rate.
Ang Support Services Delivery (SSD) ay ang pagbibigay ng pangkalahatang suporta at coordinative na mga serbisyo sa mga Agrarian Reform Beneficiaries o ARB’s at mga apektadong may-ari ng lupa gaya ng pagpapaunlad ng kakayahan, kredito, suporta sa imprastraktura at iba pa upang i-maximize ang productivity ng mga lupang ipinamahagi at gamitin ang mga potensyal ng mga komunidad sa kanayunan.
