Naniniwala si Senator Ronald “Bato” Dela Rosa na ang “third force” na binubuo ng lahat ng mga kritiko ni dating Pangulong Rodrigo Duterte ang nasa likod ng insistence ng International Criminal Court (ICC) na imbestigahan ang madugong war on drugs ng nakaraang administrasyon.
Ginawa ni Dela Rosa ang pahayag matapos na muling payagan ang ICC na ipagpatuloy ang imbestigasyon sa kontrobersiyal na kampanya laban sa ilegal na droga.
Ayon kay Bato, nais lang maghiganti ang naturang “third force” laban sa dating pangulo.
Nang matanong naman ito kung ang tinutukoy niya ay si dating senator Antonio “Sonny” Trillanes IV, agad na sumagot si Dela Rosa na “Sino pa ba?”
Sa huli, nagpaalala si Dela Rosa sa mga kritiko na ang kanilang mga pamilya at mahal sa buhay ang nakinabang din sa kapayapaan na dala ng war on drugs.
