Hindi umano nakikita ng Philippine National Police (PNP) bilang double standard ang desisyon ng Department of the Interior and Local Government (DILG) na iwasan ang pag-anunsyo sa mga pangalan ng mga senior police officers na maaprubahan ang courtesy resignation dahil sa koneksyon sa illegal drug activities.
Ayon kay PNP spokesperson Police Col. Jean Fajardo, ginagalang ng organisasyon ang desisyon ni DILG Sec. Benhur Abalos ukol dito.
Paliwanag ni Fajardo, ang panawagan para sa courtesy resignation ay initial stage pa lamang, na una nang naipaliwanag nina Abalos at PNP Chief Rodolfo Azurin Jr..
Dagdag nito, na sa ginawang evaluation at assessment, lumalabas na may sapat na basehan para patunayan ang kanilang links.
