Wi-nelcome ng ilang mga grupo ng jeepney drivers and operators ang gagawing pagbubukas ng nasa 40 na mga ruta ng dyip.
Ito ay makaraang i-anunsyo ng Land Transportation Franchising and Regulatory Board (LTFRB) ang balik-biyahe sa 42 jeepney routes na ipinasara noong pandemic.
Sa panayam, sinabi ni Pasang Masda president ka-Obet Martin na malaki ang maititulong nito para sa mga drayber.
Aniya, ngayong nagtaas na naman ang presyo ng mga produktong petrolyo – makatutulong ang re-opening ng mga naturang ruta para sa mga pangkabuhayan ng kanilang mga miyembro, at ng iba pang mga jeepney drivers.
