NAKITA na ug malipayong nakabalik na sa ilang pinuy-anan ang 79 anyos nga si Lolo Reynaldo Paradina nga residente ng Purok Malipayon, Caceres Subdivision, Brgy. San Isidro, GenSan human gipanawagan sa iyang pamilya dinhi sa Brigada News FM nga na missing ug wala na makauli.
Kahinumdumang may nasinatiang Alzheimer’s Disease si Lolo Reynaldo hinungdan nga human makagawas sa ilang pinuy-anan ala 1 sa hapon Desyembre 27 wala na kini makatuod sa dalan pauli sa iyang pamilya.
Pasado alas 7 sa gabie sa susamang petsa git-urn over sa Brigada Complex sa pamilyang Labastida, residente sa Cagas Compound, Brgy. Lagao, Gensan si Lolo Reynaldo human nga ilang makit-an ug namatikdan nga nasaag kini. Sumala pa ni Karen Labastida nadesisyunan sa iyang inahan nga si Margarita Labastida nga dal-on sa Brigada ang si Lolo aron mauli sa iyang pamilya.
Human gitawagan ang pamilya niini, emosyunal gitagbo sa mga kabanay si Lolo Reynaldo ug hugot nga gipasalamatan ang pamilyang Labastida sa pag turn-over niini sa Brigada aron makabalik ug makauli na ang ilang amahan sa ilang panimalay. I MJ Fernandez
