Kinumpirma ng Department of Health (DOH) Bicol na marami nang mga kabataan ngayon ang nagpapa-dialysis.
Binanggit ni Maita Bobis, Family Health Cluster head ng nasabing ahensya, sa kanyang mensahe na mayroong isang taong lumapit sa kanya upang humingi ng tulong para sa labingwalong taong gulang na anak nito na sasailalim sa dialysis.
Aniya, halos wala na ring mapuntahang mga dialysis centers dahil punung-puno ang mga schedule sa dami ng mga sumasailalim dito.
Kung kaya, paalala ni Bobis na maging maingat sa pagpili ng mga kinakain lalung-lalo na ngayong darating ang kapaskuhan upang maiwasan ang hindi inaasahang mga karamdaman.
Samantala, wala pa namang ibinibigay na datos ang ahensya tungkol sa mga mga nagpapa-dialysis.
