Inaasahang sa mga susunod pang mga taon ay maitatayo na ang bagong bago na 10-storey hospital sa Bicol Regional Hospital and Medical Center (BRHMC) sa lalawigan ng Albay.
Ayon kay Dr. Eric Raborar, chief ng nasabing ospital, masisilayan at mararanasan na rin ng mga Albayano ang itatayong mala St. Luke’s Hospital sa nasabing lalawigan sa oras na matapos ang nasabing proyekto.
Aniya, hindi nito inakalang magiging prayoridad ng Ako Bicol Party List na mapagpapatayuan ng bagong ospital.
Hindi lamang bagong ekipahe ang kanilang makikita, maging pagbibigay serbisyo o pakikitungo ng mga empleyado ay mayroon umanong pagbabago.
Pinasalamatan ni Raborar ang mga tumulong sa pagbibigay pondo para maitayo ang mala St. Luke’s Hospital sa Albay.
Ang pondo na inilaan rito ay gagamitin sa pagpapatayo ng Phil. Cancer Center, Lung Center, Phil. General Hospital, Phil Children’s hospital at iba pa.
