CAMARINES NORTE- Arestado ang limang kalalakihan nitong weekend dahil sa iligal na pangingisda sa Barangay Del Pilar, Capalonga, Camarines Norte.
Ang mga naarestong personahe ay kinilalang sina alyas “Lon”, 27, alyas “Jay”, 27, alyas “Aye”, 43, alyas “Mel”, 24 at alyas “Tony” 41 pawang mga residente ng P-6, Brgy San Lorenzo, Sta Elena parehong lalawigan.
Batay sa Police report, naaresto ang mga nabanggit na personahe ng pinagsanib na pwersa ng mga kapulisan at Governor’s Special Action Group (GSAG) makaraang mahuli umano sa akto na nagsasagawa ng iligal na pangingisda sa nasambit na lugar.
Nakumpiska sa nasabing operasyon ang isang pinong lambat, dalawang steel/wooden board at iba’t ibang uri ng isda.
Ang mga naarestong personahe at mga nakuhang ebidensya ay kasalukuyang nasa ilalim ng pangangalaga ng Capalonga Municipal Police Station para sa kaukulang disposisyon.
Matatandaan na noong nakaraang linggo langay mahigit sampu katao ang nahuli sa bayan ng Vinzons dahil sa kaparehong paglabag.
