GUBA ang mainline sa tubig, nga naigo sa bakho nga maoy gigamit sa pagpatrabaho sa dalan, nga nahitabo kaniadtong nakalabay’ng adlaw.
Naigo ang tubo o pipeline doul sa usa ka pawnshop ug appliance center nga maoy hinungdan nga nawad-an ug supply sa tubig ang sentrong bahin sa dakbayan sa Ozamiz.
Diin pipila ka mga residente ang miangal, ilabina tong mga lugar o kabarangayan nga apektado sa pakamatay sa agas sa nahitabong insidente.
Samtang, ang contractor nga CCI dali gilayon nga giayo ang maong naguba nga sa tubig, aron wala nay mag reklamo nga mga lumolopyo nga naapektuhan.(Joel Omapas)
