LEGAZPI CITY – Sa kulungan ngayon ang bagsak ng isang construction worker matapos maaresto sa P-1, Brgy. Anislag, bayan ng Daraga, Albay dahil sa kasong Attempted Homicide.
Kinilala ang akusado na si alyas “Arnel”, 47anyos at residente ng nasabing barangay.
Ayon sa report, hapon nang arestuhin ng mga otoridad ang akusado matapos puntahan ang kinaroroonan nito.
Isinilbi sa kanya ang warrant of arrest na pirmado pa noong Oktubre 19, 2022 dahil sa nasabing kaso.
Aabot sa P36,000 ang inirekomendang piyansa ng korte para sa kanyang pansamantalang kalayaan.
Sa ngayon ang akusado ay pansamantalang dinala sa himpilan ng pulisya para sa kaukulang disposisyon.
