IBA-Nagsisimula na ang mga Telcos na ayusin ang sala-salabat na mga kawad sa national highway sa bayan ng Iba partikular Palanginan.
Ito ay bilang tugon sa utos ng Pamahalaang Lokal na ayusin ang mga kawad at poste na matagal nang inerereklamo ng mga motorista.
Ang mga kable ay sinimulang ayusin noong nakalipas na May 29 at itinuwid na din ang nakatagilid na mga poste nito.
Matatandaang ilang buwan ang nakakaraan ay pinatawag ang mga kinatawan ng Telcos para ipaayos ang mga kable dahil sa nagiging pangit na imahe sa kalsada at delikado pa sa mga motorista at nagdaraang mga pedestrians.
Ayon kay Kon. Al Fallorin, pagkatapos ng mga kawad ay maaaring isunod na rin ang mga poste na wala sa ayos na kinalalagyan.//Russell Banawa-BNFM IBA
