Nakatakdang magmulta si TNT coach Chot Reyes sa PBA Commissioner’s Office dahil sa kanyang postgame outburst, matapos matalo ang kanyang team sa 94-92 sa Magnolia noong Miyerkules sa Smart Araneta Coliseum.
Kinompronta kasi ng naturang coach ang mga referees at technical officials para iprotesta ang disputed foul na itinawag kay Calvin Oftana sa 4.3 seconds na natitira sa laro.
Mababatid na pinagbabawalan ang mga players at coaches na puntahan ang officials table.
Ang pinakahuling napatawan ng penalidad ng liga ay si Barangay Ginebra’s LA Tenorio, nang matalo naman sila sa Meralco sa Game 3 ng Philippine Cup quarterfinals.
