Nakaka-apekto ngayon ang Intertropical Convergence Zone (ITCZ) sa Palawan, Visayas, at Mindanao.
Ayon sa PAGASA ang Mindanao, Silangang Visayas, at Palawan ay makakaranas ng maulap na kalangitan na may kalat-kalat na mga pag-ulan at pagkidlat-pagkulog dahil sa ITCZ.
Posible naman ang flash flood o landslide sa nabanggit na mga lugar dahil sa katamtaman hanggang sa kung minsan ay malakas na pagbuhos ng pag-ulan.
Ang Metro Manila at nalalabing bahagi ng bansa ay magkakaroon ng bahagyang maulap hanggang sa maulap na papawirin na may pulu-pulong mga pag-ulan o pagkidlat-pagkulog dulot ng ITCZ at localized thunderstorms.
