Tinakawan ro Dalipdip Elementary School sa banwa it Altavas, Aklan.
Sa report sa Altavas MPS, nadiskubrehan kaina it agahun nga bukas eon ro classroom it Grade 4, 5 ag 6, ag ro opisina it school principal.
Pila sa mga ginparekord nga tinakaw sa nasambit nga eskwelahan hay wallet nga may sueod nga P20,000 ag alkansiya nga may sueod nga kwarta.
Padayun man nga ginaimbestigahan it Altavas MPS ro nasambit nga insidente. / ANN DESLENE SALAZAR
