Kinasuhan eon ru suspek sa pagbaril sa sangka Barangay Tanod sa Brgy. Catabana, Madalag, Aklan.
Nakilaea ru suspek nga si John Retiro, 35 anyos ag residente it nasambit man nga lugar.
Naka angkon it tama’t pagbaril sa paa ru biktima nga si Gil Eslao, 55 anyos it nasambit nga lugar nga presente pa nga gina bueong sa hospital.
Kasong Frustrated Homicide ru gina atubang nga kaso’t suspek.
Nasayuran nga boluntaryong nag surrender ru suspek sa SK Chairman it nasambit nga barangay ag dayon gin presentar sa mga kapulisan.
Nagabalor it Php72,000 ru pyansa nga gin taeana it korte para sa temporaryong kahilwayan.
Kun matandaan, natabo ru insidente kat naga pauli eon konta ru biktima sa andang panimaeay halin sa taeapahan.//MARIVIC Y. ILIN
