PATAY nang napalgang sa baybayon sa Purok Maguid, Barangay Daliao, Maasim Sarangani Province alas-9:30 sa buntag ang usa ka Philippine Eagle.
Base sa taho sa Department of Environment and Natural Resources (DENR) Soccsksargen nakitang patay ni Habib Maguid, empleyado sa gobyerno ang maong agila. Gilayon kining girespondehan sa DENR Community Environment and Natural Resources Officer (CENRO) sa Kiamba Forester nga si Abdul Cariga.
Gipahibalo usab ang Municipal ENRO sa Maasim ug CENRO Kiamba quick response team (QRT).
Gituohang, naa sa upat hangtud lima ka oras nang patay ang Philippine Eagle dihang napalgan ni Maguid sa lugar. Naa sa 5.6 kilograms ang ginbug-aton, 102-centimeter ang ginatas-on samtang naa sa 188 cm ang kapalad sa pako.
Wala usab nakita nga tag o chips sa Philippine eagle nga napalgan dihang giinspeksyon kini. Dad-on na usab sa Philippine Eagle Center sa Davao City ang agila lang s necropsy. Base sa International Union for Conservation, makonsidera nga critically endangered ang Philippine Eagle. I Richel Gubalani
