Suportado it Local Government Unit (LGU-Lezo), ro nagahilapit nga paglunsar it PinasLakas Vaccination Campaign sa Hello Kitty Park sa September 27, 2022.
Sa ginpatigayun nga Lezo Municipal Local Health Board Meeting makarun nga adlaw, September 13, nagpaabot ro tanan nga board member it handum nga mapataas ro numero it mga indibidwal nga mabakunahan it primary ag booster doses.
Base sa suhestyun, nagaplano ro LGU nga magtao it insentibo sa mga indibidwal nga magpabakuna.
Ro insentibong igatao sa launching it PinasLakas Vaccination hay school supplies para sa mga unga ag grocery para sa mga magueang.
Ro LGU Lezo hay napili it PHO ag DOH nga maging venue para sa PinasLakas Vaccination sa Plaza sa September 27, 2022. / ANN DESLENE SALAZAR
