Gin daea sa eskwelahan ru sangka eapsag para indi maka absent sa klase ru nanay nga sangka estudyante sa Bacolod City, Negros Occidental.
Base sa fb post it sangka High School teacher nga si Ma’am Tricia Anne Ureta Manlanat it Paglaum Village National High School, naga duha-duha ru iba na nga mga teachers kun pasudlon sa klase ru nasambit nga nanay.
Apang suno kana, indi dapat balibaran ru gustong mag attend it klase bangud eamang sa gina daea nga eapsag.
Nasayuran nga naga-abot sa 5 ka mga teachers ru nag bueos-bueos sa pagbuyot it eapsag ag eagi nga gin pauli ru nanay sa oras it recess. Gin pahayag pa ni Maglanat nga nakikita na sa nanay it eapsag ru pagiging dedicated bilang estudyante para sa anang baby.//MARIVIC Y. ILIN
