Humanga ang estudyante na si Nadine sa ipinakitang katapatan ng isang tricycle driver dito sa Lungsod ng Puerto Princesa.
Aniya, alas 7:13 ng umaga kahapon (September 5, 2022) habang naglalakad papunta sa kanyang paaralan ay huminto ang isang tricycle at tinanong siya ng driver kung marunong mag-operate ng touch screen na cellphone.
“Neng, alam mo ba kung pano magpindot? [sa touch screen na cellphone]…may nakaiwan kasi nito dito [sa tricycle]” sabi ng hindi nakilalang driver.
Dahil sa hindi umano nito alam kung paano gumamit ng touch screen na cellphone kaya nahihirapan itong sagutin ang tumatawag.
Sa update naman ni Nadine, naibalik na ng honesto na driver ang cellphone sa may-ari.
