Nabatyagan na sa dakbayan sa Davao ang 2nd wave sa pagdahan sa kaso sa mga natakdan sa COVID-19 human sa tulo ka bulan nga nasinating pag-ubos sa transmission.
Giangkon ni City Health Office Head ug Covid-19 Task Force focal person Dr. Ashley Lopez, kadaghanan sa mga natalang kaso gikan sa local transmission sa mga panimalay ug mga lugar trabahuan.
Tungod niini gikanayon sa opisyal nga nasinati na sa syudad ang nahitabo didto sa National Capital Region, pila ka adlaw na usab nga anaa sa 100% ang occupancy rate sa COVID-19 ICU beds sa Southern Philippines Medical (SPMC).
Samtang 86.99% usab nga okupado ang Covid ward beds hinungdan padayon ang panawagan sa lokal nga paggamhanan sa publiko nga dili magpakampante ang mga indibidwal nag nabakunahan na ug seryosohon ang bahad sa kagaw.
Samtang isip kabahin sa mga lakang sa pagpugong sa pagkaylap sa kagaw, gilugwayan sa City LGU ang implementasyon sa Liuor ban ug curfew hour hangtud sa Hulyo 31, 2021.
