Gipahibawo sa kagamhanan sa dakbayan sa Sugbo nga plano nilang libkason na ang mandatory nga pagsul-ob og face mask sa mga open spaces.
Giingong mipatawag na si Mayor Michael Rama og tigum kauban ang mga executives sa Cebu City Hall aron tukion kung unsaon nga luwas og epektibo nga mapatuman ang maong plano.
Plano sa syudad nga dili na i-require sa syudad sa Sugbo ang face masks sa mga dili siradong dapit.
Ang maong lakang una na usab gipatuman sa Cebu Provincial Government. Nasayran nga ang pagsul-ob og face mask mao ang usa sa mga nag-unang lakang aron ma-menusan ang pagkatap sa Covid-19.
