AMINADO si Soccsksargen Federation of Fishing and Allied Industries Inc. kun SFFAII President Dominique Salazar nga nagsugod na sa pagrekober ang tuna industry sa GenSan human naigo sa pandemya apan karon naigo na usab sa pagtaas sa presyo sa produktong petrolyo.
Gihingusgan pa niini nga dako ang impact sa pagtaas sa presyo sa fuel sa fishing sector tungod halos 60 percent sa gastos aron makadakop og isda ang konsumo sa produktong petrolyo.
Alayun sa ipahigayong ika-22 nga National Tuna Congress sa September 1-2 nga may tema, ‘Braving the Rough Seas Toward a Better Tomorrow’ haum matud pa kaayo alang sa padayun nilang pagpaningkamot.
Daghan matud pang mga balod nga giatubang ang fishing industry sa GenSan sama sa pandemya, ug naa pa ang pagtaas sa fuel apan sa gihapon, kaya nilang latason ang maong mga problema alang sa maayong ugma.
Samtang gidugang ni Salazar nga busy na sila sa pagpangandam sa Tuna Congress labi pa nga daghang importanteng bisita ang motambong ug gilauman usab ang pagtambong ni Pangulong Ferdinand ‘Bongbong’ Marcos Jr.
