Nadakpan it baril ru sangka alklade it Carabao Island sa sangka bar sa Boracay ku Sabado it gabie, Agosto 27.
Sa interview it BRIGADA News FM Kalibo kay PLTCOL Don Dicsie De Dios, chief of police it Malay Municipal Police Station, nakilaea ru alkalde nga si Mayor Egdon Sombilon.
Sa kasugtanan it mga restaurant sa isla nga tanan nga mga naga sueod sa bar ay paga kapkapan sa idaeom it batas rason nga kat madakpan it baril ru alkalde hay gin turn-over sa bouncer ag uwa man iut may natabong commotion.
Gin kasugtanan man it PNP ag mga restaurant owners nga ingkasong may nag turn-over it baril hay eagi nga paga tawagan ru PNP station para sa verification purposes kun may una nga naga kaigo nga dokumento.
Gn taw-an it bug-at it chief of police it Malay nga uwat kamatuuran ru napabalitang gina panag-iyahan it sangka pulis ru nadakpan nga baril.
Base sa ipinakitang dokumento, ru nadakpan nga baril hay gina panagiyahan it alkalde.//MARIVIC Y. ILIN
