Pinaghahandaan na ng Lokal na Pamahalaan ng Olongapo sa pamamagitan ng City Agriculture Office ang paglalagay ng artificial reefs sa Brgy. Barreto.
Ayon kay City Agriculture OIC Francis Ela Maniago, target ng syudad na ilagay ang mga ito sa Mayanga Island pero hinihintay pa ang technical assistance ng Bureau of Fisheries and Aquatic Resources at DENR-CENRO.
Plano umano kasing buhayin muli ng Lokal na Pamahalaan ang lugar at gawing eco-tourism.
Maliban sa restorasyon ay makakatulong rin ang mga artificial reefs sa mga yamang-dagat sa lugar.//Jen Bayot-BNFM OLONGAPO
PHOTO: FRANCIS ELA MANIAGO
