BORACAY — Kapin sa 80 kilos nga basura ro nahimos halin sa baybayon sa isla it Boracay sa ginpatigayon nga International Coastal Cleanup 2021 ku Setyembre 18, 2021.
Raya hay ginpangunahan it Department of Environment and Natural Resources (DENR) ag Community Environment and Natural Resources Office (CENRO) sa koordinasyon man it Boracay Business Administration of Scuba School (BBASS), Philippine Coast Guard (PCG), ag Municipal Disaster Risk Reduction Management Office (MDRRMO).
Ro mga basura nga nakolekta hay ginaeakipan it mga bote, lata, goma, fishing gear, face mask, diaper ag iba pa.
Nasayuran nga ro isla it Boracay hay uman nga nagbukas sa domestic tourist matapos nga ginpaidaeum sa general community quarantine ro Aklan. / ANN DESLENE SALAZAR
