Tatlo ka mga residente it Barangay Ingore La Paz, Iloilo ro namatay bangud sa gastroenteritis ag dehydration tuga it norovirus.
Kasunod kara, naghiwat it imbestigasyon ro City Health Office (CHO) sa 21 ka mga bubon sa Zone 4, Barangay Ingore, ag 19 dikara hay nagpositibo sa virus.
Base sa CHO, ro gastroenteritis ag dehydration hay tuga it norovirus, sambilog ka mataeapon nga virus nga nagatuga it pagsuka ag pagtae.
Ro mga norovirus hay nagakaeat paagi sa mahigko nga pagkaon o tubi. Pwede man raya nga magkaeat paagi sa pag-angkun it close contact sa tawo nga may impeksyon.
Ro kontaminasyon it mga bubon hay bangud sa overpopulation ag bukon it manmi nga installation it mga septic tank./JIL B. LACSON
