Ginpahayag it Department of Social Welfare and Development (DSWD) sa Western Visayas nga uwa it sin-o man nga pulitiko it nasyun ro pwede nga magpahalin it mga benepisyaryo sa Pantawid Pamilyang Pilipino Program (4Ps).
Raya hay kasunod sa nagakaeat nga impormasyon nga ro conditional cash transfer program it gobyerno hay pwede segun gamiton it mga pulitiko para i-blackmail ro pobre nga mga benepisyaryo.
Gindum-ok ni Regional Director Ma. Evelyn Macapobre nga nagapdayon nga apolitical ro DSWD.
Dugang pa nana, ro DSWD eamang ro may awtoridad nga magpahalin it mga benepisyaryo it 4Ps, paglinaw man nana uwa sanda nagapahalin it mga beneficiaries nga uwa it rason.
Ro mga benepisyaryo it 4Ps hay pwede eamang i-delist sa programa kung indi sanda magsunod sa mga kondisyon it programa kapareho it pagsangla it andang mga 4Ps cash card sa sa iban nga mga tawo o institusyon.
Sa presente, base sa datos it DSWD Region 6, may 332,532 4Ps beneficiaries ro rehiyon./JIL B. LACSON
