MOKABAT sa 878, 318 kinatibuk-ang doses sa bakuna ang na-administer sa GenSan samtang anaa sa 2,535 ang nakadawat na sa booster dose sa bakuna batok COVID-19.
Ang GenSan nagpabilin sa alert level 2 status tungod daghan pa sa mga A2 category o senior citizen ang wala nakab-ot nga ihap aron mabakunahan.
Sumala sa opisyal sa City Health Office pakusgon nila ang vaccination turn-out ug booster shot sa mga tawo labaw na sa A2 priority group aron paspas mosaka ang ihap sa mabakunahan nga una nang rekisitos nga mabutang ang syudad sa ubos nga alert level status.
Sa ulahing datus sa COVID-19 tracker board ang GenSan adunay 24 active cases sa virus, 652 related death, ug adunay kinatibuk-ang 17,409 ang nakarekober sa maong sakit.
Nag-awhag ang health authorities sa publiko nga magtinabangay aron makab-ot ang herd immunity nga kinahanglan maangkon sa dakbayan. I Enamie Mogpon
