Ginaagnas eun kat makit-an sa kaugalingon nga baeay sa Brgy. Libertad, Lapuz, Iloilo ro eawas it sambilog ka 72-anyos nga lolo.
Nasayuran nga isaeahanon eamang sa kabuhi ro magueang bangud ro mga unga kara hay nagtrabaho sa iban nga nasyun.
Nasayuran eun eamang pamilya it lolo nga uwa eun raya it kabuhi matapos raya nga adtunan it anang gumankon agud hambaeon kunta nga napadaea eun it kwarta ro anang unga nga pambakae it buoeng para sa sakit nga liver cirrhosis.
Sa makara, ginahueat eun eamang ro punerarya agud mabuoe ro bangkay it magueang./JIL B. LACSON
