Kinumpirma ng Department of Health na nadagdagan pa ang mga kaso ng mas nakahahawang subvariants ng COVID-19 sa bansa.
Sa media forum ng DOH, sinabi ni Health Undersecretary Maria Rosario Vergeire na mayroong tatlong bagong kaso ng BA.5 subvariant.
Ito ang lumabas sa kanilang pinakahuling genome sequencing.
Dalawa sa bagong kaso nito ay nagmula sa CALABARZON; habang ‘di pa tukoy ang isa.
Fully-vacinated na ito; habang ang isa sa CALABARZON ay unvaccinated.
‘Recovered’ na ang tatlong kaso ngunit inaalam pa kung nakaranas na rin ng sintomas ang kanilang mga close contacts.
Sa kabuoan, lima na ang mga kumpirmadong BA.5 subvariant cases sa Pilipinas.
Samantala, pitong bagong kaso rin ng mas nakahahawang BA.2.12.1 ang kumpirmado ng DOH.(GAB DALISAY)
#
