LEGAZPI CITY – Naglaag nin pitong bagong weather-proof tourism circuit signages an lokal na gobyerno kan Camalig, Albay sa manlain-laing tourist spots sa banwaan.
Binugtak ini partikularmente sa parte kan Sumlang Lake, El Miro de Shei Integrated Farm, St. John the Baptist Parish Church and Colonial Houses, Quituinan Hills, Hoyop-hoyopan Cave, Solong Eco Park, asin Quitinday Green Hills.
Mientrastanto, may kasabay na QR code sa tarpaulin na pwedesir i-scan kan mga turista nganing i-redirect sa Google Maps para masunod na tourist destination kan circuit.
